പണ്ടത്തെ കളിത്തോഴന്‍....
പണ്ടത്തെ കളിത്തോഴന്‍....
കാഴ്ചവയ്ക്കുന്നൂ മുന്നില്‍...
രണ്ടു വാക്കുകള്‍ മാത്രം
ഓര്‍ക്കുക വല്ലപ്പോഴും...
ഓര്‍ക്കുക വല്ലപ്പോഴും...
ഓര്‍ക്കുക വല്ലപ്പോഴും
പണ്ടത്തെ കാടും മേടും
പൂക്കാലം വിതാനിക്കും ആ കുന്നിന്‍ പുറങ്ങളും...
രണ്ടു കൊച്ചാത്മാവുകള്‍... അവിടങ്ങളില്‍ വച്ചു
പണ്ടത്തെ രാജാവിന്‍ കഥകള്‍ പറഞ്ഞതും....
ഓര്‍ക്കുക വല്ലപ്പോഴും...
ഓര്‍ക്കുക വല്ലപ്പോഴും...
പണ്ടത്തെ കളിത്തോഴന്‍....
കാഴ്ചവയ്ക്കുന്നൂ മുന്നില്‍...
രണ്ടു വാക്കുകള്‍ മാത്രം
മരിക്കും സ്മൃതികളില്‍....
ജീവിച്ചുപോരും ലോകം...
മറക്കാന്‍ പഠിച്ചതു നേട്ടമാണെന്നാകിലും...
ഹസിക്കും പൂക്കള്‍ പൊഴിഞ്ഞില്ലെങ്കിലൊരുനാളും
വസന്തം വസുധയില്‍ വന്നിറങ്ങില്ലെന്നാലും
വ്യര്‍ത്ഥമായവര്‍ത്തിപ്പൂ...
വൃണിതപ്രതീക്ഷയാല്‍....
മര്‍ത്യനീ പദം രണ്ടും....
ഓര്‍ക്കുക വല്ലപ്പോഴും...
ഓര്‍ക്കുക വല്ലപ്പോഴും...
പണ്ടത്തെ കളിത്തോഴന്‍....
കാഴ്ചവയ്ക്കുന്നൂ മുന്നില്‍...
രണ്ടു വാക്കുകള്‍ മാത്രം
No comments:
Post a Comment