Tuesday, January 26, 2010

പിന്നെയും പിന്നെയും.....


പിന്നെയും പിന്നെയും ആരോ കിനാവിന്റെ

പടി കടന്നെത്തുന്ന പദ നിസ്വനം

പിന്നെയും പിന്നെയും ആരോ കിനാവിന്റെ

പടി കടന്നെത്തുന്ന പദ നിസ്വനം

പിന്നെയും പിന്നെയും ആരോ നിലാവത്തു

പൊന്‍വേണുവൂതുന്ന മൃദു മന്ത്രണം

പിന്നെയും പിന്നെയും ആരോ കിനാവിന്റെ

പടി കടന്നെത്തുന്ന പദ നിസ്വനം

പടി കടന്നെത്തുന്ന പദ നിസ്വനം

പുലര്‍നിലാചില്ലയില്‍ കുളിരിടും മഞ്ഞിന്റെ

പൂവിതള്‍ത്തുള്ളികള്‍ പെയ്തതാകാം....

അലയുമിത്തെന്നലെന്‍ കരളിലെ തന്ത്രിയില്‍

അലസമായ് കൈവിരല്‍ ചേര്‍ത്തതാവാം...

മിഴികളില്‍ കുറുകുന്ന പ്രണയമാം പ്രാവിന്റെ

ചിറകുകള്‍ മെല്ലെ പിടഞ്ഞതാവാം

മിഴികളില്‍ കുറുകുന്ന പ്രണയമാം പ്രാവിന്റെ

ചിറകുകള്‍ മെല്ലെ പിടഞ്ഞതാവാം

താനേ തുറക്കുന്ന ജാലകച്ചില്ലില്‍ നിന്‍

തെളിനിഴല്‍ ചിത്രം തെളിഞ്ഞതവാം....

പിന്നെയും പിന്നെയും

ആരോ...

ആരോ....

ആരോ.....

തരളമാം സന്ധ്യകള്‍ നറുമലര്‍ തിങ്കളിന്‍

നെറുകയില്‍ ചന്ദനം തൊട്ടതാവാം

കുയിലുകള്‍ പാടുന്ന തൊടിയിലെ തുമ്പികള്‍

കുസൃതിയാല്‍ മൂളിപ്പറന്നതാവാം

അണിനിലാ തിരിയിട്ട മണിവിളക്കായ് മനം

അഴകോടെ മിന്നിത്തുടിച്ചതാവാം

അണിനിലാ തിരിയിട്ട മണിവിളക്കായ് മനം

അഴകോടെ മിന്നിത്തുടിച്ചതാവാം

ആരും കൊതിക്കുന്നൊരാള്‍ വന്നു ചേരുമെന്ന്-

ആരോ സ്വകാര്യം പറഞ്ഞതാവാം..

പിന്നെയും പിന്നെയും ആരോ കിനാവിന്റെ

പടി കടന്നെത്തുന്ന പദ നിസ്വനം

പിന്നെയും പിന്നെയും ആരോ നിലാവത്തു

പൊന്‍വേണുവൂതുന്ന മൃദു മന്ത്രണം

പിന്നെയും പിന്നെയും

ആരോ....

ആരോ....

ആരോ....

No comments:

Post a Comment